May inilalahad ang dagat,
isang sugilanon –
mga batang singkintab ng balud
ang likod,
mga mangingisdang isinasakmol
ng higanteng trol,
baybay-dagat na kinukuyumos
ng tingga at kombatsyus:
pigtas na tsinelas
butas na baruto
basag na kabibe.
May inilalahad ang dagat,
isang sugilanon –
mga hiningang kaulayaw ng lambat,
naghahayuma ng isang pasyon;
sa kandili ng dilim, gising magdamag –
bitbit ng hangin aming pagbangon.