ang maangas, umingos man siya
at manggulat sa galit. malamang
mapiit lamang siya sa pait ng
sariling
poot. malamang silaban lamang siya ng inis
sa
unos ng mga anas nilang mga tikom
ang bibig at kamao – kumikilos,
tiyak na kumakalas sa renda ng nakaririnding
pagngawa, pagngiwi, at
pagtunganga. hukbong
hakbang-hakbang na sumusulong. masisisi ba
ang susô? sa bawat sulok na
sulingan
ng hilong kuneho, nakasulat ang
ganito:
“langhapin mo laway ko.”